立法會主席梁君彥上任四個幾月，經歷放棄英國國籍問題、議員宣誓風波等，可謂風波不斷。佢上任咁耐，但係會議廳外嘅主席畫像仍未有佢份，可能近期立法會亂象稍有改善，尋日佢嘅畫像終於順利掛上，難怪佢會笑到見牙唔見眼，更有求必應咁，擺番同一甫士畀傳媒影相喇！梁君彥點評畫像時就話，畫中人實靚過真人，因為化咗妝，而且又執過，佢更加透露當時花咗半日時間影相添，睇嚟製作都幾鬼嚴謹喎！
（徐家浩攝）
