政情：蔣麗芸下廚 話有心煮實好食
立法會議員蔣麗芸（Ann）早前趁假期親自下廚招呼朋友，咪以為阿Ann淨係假期下廚就會廚藝生疏，實情佢廚藝了得，仲大玩中西融合，煮咗唔少好嘢宴請親朋戚友，仲要唔止煮得一餐咁少添！
一餐飯閒閒地有幾道餸，阿Ann並唔係一力包辦，而係要搵外傭幫手。阿Ann話自己專登揀假期下廚，原因並非平日工作太忙冇時間煮飯，而係佢需要時間去培養下廚心情喎！咁講法，佢咪分分鐘要用成日時間，先預備到一餐飯？
阿Ann又教路，話煮嘢食最重要有愛心，認為有心煮餸菜就實好食咁話。佢仲話學廚好易，只要睇食譜試多幾次，就可以煮到酒樓級數嘅餸菜。佢自己都係用呢個方法學煮嘢添，都算係無師自通喇！不過聽阿Ann講煮餸講到咁叻，唔知有冇機會一試佢嘅真手勢呢？