中環出更：同吳亮星打網球 張明敏有安全感
中華出入口商會會董張明敏同埋前金融界立法會議員吳亮星（星爺）早前出席一個活動，見佢哋好好傾，原來兩人不時約埋一齊打網球。星爺笑指大家身高差唔多，張明敏就笑笑口話，同星爺打波安全感多好多喎！
星爺卸任後得閒醫腳
星爺話自己冇做議員後，終於有時間醫吓腳傷。事關幾年前佢打網球太過用力，左腳近腳眼位置扭親，做議員嗰時太忙，依家終於有時間做物理治療，得閒又可以去打吓草地滾球、隔日游水，保護番啲骹位。
星爺又話依家處於半退休狀態，仲見多咗銀行舊同事，同事覺得佢喺立法會好辛苦同埋委屈，唔做好過做，特別係出任財委會主席期間受到衝擊。星爺就覺得自己做咗好嘅例子，令現任財委會主席陳健波做事方便啲喎！
卓妮