政情：何啟明爆妻乳腺阻塞 北上求醫終治愈
榮升爸爸嘅勞工界立法會議員何啟明於立法會自爆育兒辛酸，透露太太早前乳腺阻塞，在港求醫不果，其後決定北上到深圳母嬰私立醫院治療，佢自言起初以為「大陸嘅未必係好事」，最終出現奇迹，「啲奶噴到好似噴泉咁」，太太的乳腺阻塞「通晒」。
指在港求診無門
何啟明尋日趁立法會辯論施政報告致謝議案時，談及產後母親面對的辛酸，期間更以太太曾遇上乳腺阻塞為例子，指香港求醫無門，曾搵相關專業人士求醫，但不論公立抑或私家醫生都幫唔到手，最多只能擠到幾滴奶，最後要北上內地治療才成功解決問題。
何啟明又提及，現時香港母乳餵哺工作間仍未普及，令唔少在職母親餵哺母乳約一至三個月就要放棄，佢促請政府加強推廣母乳餵哺工作間，同時建議男士侍產假，應由現時三日延長至七日。