探射燈：大霧岩石風化 跣腳樂極生悲
除鳳凰山外，獅子山亦曾發生奪命意外。去年三月，一名行山人士獨自登上山頂時，因行出懸崖邊緣拍攝霧景，不慎跣腳墮崖身亡。香港郊野活動聯會發言人陳錫恩表示，獅子山及鳳凰山表面，含有大量花崗岩，風化後會產生大量沙狀碎粒，加上初春天氣潮濕，岩石風化程度加劇，變成「跣上加跣」，「行山人士如果冇穿行山鞋、或持行山杖等防滑裝備，隨時跣腳受傷」。
遇天氣變化 需考慮撤退
他續指，山上天氣狀況變化大，行山人士上山後，若發現下雨或起霧時，就要考慮撤退，切勿逞強繼續登山，「喺山上面嘅風向、濕度同氣壓，會比喺平地時變得更快及反覆，對於冇接受過山藝訓練嘅人嚟講，非常危險。」
他表示，行山是一種講求事前準備的運動，行山人士出發前，應仔細計劃登山路線，帶備充足食水、食物、急救用品包、地圖及照明用具等；登山時亦應組織隊伍同行，及由具豐富遠足經驗的領隊帶領。
