香港回歸近廿年，多個機構嘅高層職位仍然迷戀聘用外籍人士，但係位居高職嘅洋人一個二個都做唔長，屢次出現於任期完結前就以各種理由劈炮嘅情況，留下爛攤子畀香港人自己執拾。最新例子係香港大學校長馬斐森，再早些少就有西九管理局兩位前行政總裁謝卓飛及連納智，洋人「外援」好似排住隊走咁。其實次次高層人事變動都會打亂晒布局，點解一定要搵「外援」？唔通香港無人才？
