西九文化區缺錢、工程恐爛尾，為咗填氹，政府喺新一份施政報告內，不惜將文化區內嘅酒店、辦公室及住宅發展權，拱手相讓西九文化區管理局。雖然話係要同發展商攤分出租物業收入，但始終係塊肥豬肉，難怪「乾塘」嘅管理局喺施政報告宣讀後不足兩個鐘就出稿回應，大讚政府嘅措施係有遠見同有承擔，半年前已公開求救撲水嘅行政總裁栢志高，今次真係鹹魚翻生嘞！
