合約規管工時 司機轟冇用
【記者馮穎瑜報道】影響全港打工仔的標準工時未有定案，消息指標準工時委員會將於本月底提交報告，建議推行「合約工時」，以及設立工資線以保障低技術、低收入及低議價能力的「三低」打工仔，超時工作可獲加班補水。不過，有平均日做十六小時的貨車司機炮轟措施「唔好，冇用」，指現時已有所謂工時協議，但根本無助解決長工時問題，苦言「工人為咗搵食，惟有迫於無奈接受（僱主要求）」，要求應立法標準工時保障司機及道路使用者安全。
協定朝八晚六 實做16句鐘
五十六歲李志容任職貨車司機廿多年，雖與僱主有口頭協調，正常上班時間為「朝八晚六」，但實際平均日做十五至十六小時，「話就話八至六，但好多時都唔得，因為通常排隊（等落貨）好耐，冇得中途走，一定要做晒」，最誇張一次是由早上八時，超時工作至另一天中午十二時半，足足工作廿八小時，「（晚上）七點幾行出門口嗰陣，叫我入機場做多單，（根本）冇得唔做，一係唔撈！」
他無奈指，雖然工作時有大部分時間均在馬路上等，但絕非代表他能在車上休息，「要成日睇住時間到你未」，故長工時問題令他精神委靡，疲憊得不時在駕駛時「瞌着咗」，幸每次均能在緊急關頭「扎醒」，並未發生任何交通意外。