政情：參觀體院 陸頌雄瘋狂集郵

陸頌雄話用咗唔少時間同啲運動員傾偈，仲大讚佢哋文武全才，因為發現佢哋除咗運動了得，學業成績同樣出色。其實陸頌雄嘅囝囝係本地足球隊青年軍隊員，相信他能夠從中取經去教導囝囝。

被院長誤認做「新同學」

講到整個參觀行程最為深刻嘅，就係陸頌雄畀體院院長李翠沙博士誤以為係新加入嘅運動員。陸頌雄估計，因為佢身穿波鞋同輕便服裝，加上身形高挑先引起誤會，但佢都唔排除院長只係想氹佢高興而講笑。佢仲透露，細個時嘅志願係做運動員，今日被誤當係運動員都算滿足咗小時候嘅心願喎。