中環出更：望完蔣麗芸 鄭松泰「眼紅紅」
立法會本周剛開始恢復會議，一眾議員放假後應容光煥發，但立法會議員鄭松泰卻「眼紅紅」。佢笑稱自從被立法會議員蔣麗芸「望住講嘢」後，雙眼就開始出現紅腫現象喎！其實鄭松泰亂噏，實情係冬至嗰日同家人食飯後出現眼腫迹象，醫生話係敏感，最初吃藥未見好轉，後來用針灸治療先至好番啲，嚟緊仲要覆診。
鄭松泰自稱冇對食物敏感，但係當晚曾食過唔新鮮嘅蝦，再加上自暑假以來都冇好好休息，估計係導致眼紅腫嘅原因。依家已戒食海鮮同牛肉，因為擔心敏感復發。
張宇人做主席 發言失聲
抱恙嘅仲有立法會議員張宇人，佢發言時失晒聲，勉強講嘢時把聲就沙晒。本來他應以主席身份主持發展事務委員會會議，結果要改由副主席劉業強上陣。張宇人用身體語言輔助回應話，尋日朝早開始出現失聲，已睇咗醫生喇！
卓妮