民陣元旦大遊行，向警方申報五萬人遊行；又話冇預計當日會有幾多人參與，但希望超過一萬。今次遊行的主題是「主權在民」，反對人大釋法，實則是要求撤回對四名立法會議員的司法覆核。
所謂「主權在民」，空泛過現代詩，一味模模糊糊，為遊行而遊行。名不正則言不順，高舉「主權在民」作幌子，其實是為四名遭司法覆核議員籌款打官司，心水清嘅網民說：民陣莫水，元旦搞遊行是為了掠水！果然旁觀者清。有市民表示，明知四名議員做得唔啱，仲要幫佢哋籌款，真係搵市民笨。有大律師稱，民陣遊行竟要求律政司撤回對四人所提出的司法覆核，有違公平原則，對法治精神有極壞影響。另一位網民所言更合老朽心意，佢話若係正義之師，就算一千萬元也容易籌得，亂港漢奸注定受到法律制裁！
民陣已偏離普通市民對政府不滿的訴求，愈走愈激，一味向「自決派」招手。咁鍾意「自決」，打官司更應「自決」，為何又要扭盡六壬藉遊行籌款？其實遊行又何必咁政治化？長毛斥政府濫用公帑以清除眼中釘，手法和中共反右鬥爭及文革一模一樣，「今日可以咁樣做，我哋第日必然淪為好似文革，人人自危，互相檢舉」。呢啲廢噏用嚟呃三歲細路都未必有用，阿哥，老朽唔介意你呃我，老朽介意的是你的謊言太低B呃唔到我。如果係文革，你仲可以咁意氣風發又搗亂又搶政府高官嘅文件咩？
你哋班非建制派唯恐天下不亂，明顯是對政治的狹隘理解。香港這福地原本平和寧靜，肯做肯捱搵兩餐絕無問題，沒有人希望動盪，多數市民希望有個好的政治環境，通過順暢的表達，讓社會在充分博弈中達到均衡，這既是普通人也是社會精英應有的責任，然而你們卻硬要用激進行動去破壞這種平衡，實在令人氣憤。