差餉物業估價署尋日公布嘅最新數據，顯示十一月份私人住宅售價又再創新高。今年樓價一路高企，政府一直都只係獨沽一味，用印花稅去壓抑樓價。外界不時批評「辣招」唔夠辣，但係發展局局長陳茂波就一味死撐話有用，而運輸及房屋局局長張炳良仲話加辣之後，樓價升勢有收斂迹象。不過最新數據已證明政府嘅辣招都只不過係豉油啫！
