政情：狠批看風駛舵 周永勤退出自由黨

喺今年九月立法會選舉前夕，突然退選嘅自由黨新界西選區候選人周永勤，尋日喺社交網站宣布退出自由黨，仲力數該黨話會喺立法會引用特權法，徹查有權勢以不公義手法，干預立法會選舉一事只係「一時貪口爽」、又拒絕幫佢嘅辦事處續約，退黨係因為「不願再擠（躋）身於立場搖擺不定，看風駛舵的政治團體當中」。自由黨黨魁兼立法會紡織及製衣界議員鍾國斌（Felix）就話，呢啲純屬周永勤個人意見，唔需要為佢回應，該黨亦無意挽留喎。