中環出更：禁令範圍外 示威者轟漢奸黎毒害香港

只拉橫額 未叫口號

二十二名聲稱自發嘅人士，尋日下晝約一時二十五分抵達漢奸黎嘅寓所附近，早前漢奸黎已向法庭申請禁制令，而示威者採取行動前，先派兩人到漢奸黎寓所外了解禁制令嘅內容，然後全部人拉起橫額行到漢奸黎嘅寓所外，隨即再掉頭離開，佢哋無企正喺漢奸黎嘅寓所外示威，而改到禁制令範圍外嘅位置，拉起兩幅紅色橫額示威。橫額印有「黑金操縱議會　毒害香港　操控選舉」、「黑媒報道不實　捏造新聞　延禍下代」及「黎智英漢奸　天地不容」等字樣。佢哋並無叫口號，逗留約二十分鐘就和平散去。

近期針對漢奸黎嘅示威行動不絕，自六月十日起計，至今已踏入一百八十六日，連同尋日嘅行動在內，到漢奸黎寓所及將軍澳壹傳媒大樓外示威嘅行動最少達一百一十四次，當中自稱霸王國際集團員工及苦主佔十次、正義聯盟佔三次，旅遊業界及其他人士則有一百零一次。

卓妮