正當鬍鬚曾挾住民望高企又識打天才波，把hea做變成升官發財嘅動力，末代港督肥彭竟然第七度訪港，仲不在其位大謀其政，大言炎炎談香港嘅管治之道；甚麼法治民主自由云云，最終最想講嘅不過係話「真正民主制度，政府必然更替」；阿哥，畫公仔使唔使畫出腸吖，幫前下屬預先「站台」，分分鐘愛你變成害你，鬍鬚曾今趟真係多得你唔少矣。
鬍鬚曾可能不知道「方以類聚，物以群分，吉凶生矣」的道理。意思是說天下人各行其道而以類聚集，物各有群而以類相分，換言之，同於善、同於君子的就吉，同於惡同於小人的就凶，吉祥與凶險就是如此產生的。道理顯而易見，你會奢望出入在淫賤黎大宅嘅不是反中亂港的人嗎？
同樣道理，正當特首選舉進入關鍵時刻，鬍鬚曾有個「千古罪人」此刻同佢大唱「友誼萬歲」，老朽只能為這位「薯片叔叔」送上祝福！此時不知忠誠為何物，民望高到九重天又如何？愛國愛港個個參與特首選舉的無不日夜宣之於口，然而，有甚麼好過聽其言而觀其行？所謂「忠臣不私，私臣不忠，履正奉公，臣子之節」，今有千古罪人早唔來遲唔來，偏偏在一國兩制下的香港說三道四，質疑西方民主制度不適用於亞洲說法荒謬，西方民主擺明有其缺陷，美國大選就是最好明證，中國要行特色社會主義必定有其因素，幾時輪到你亂套模式？中國摸着石頭過河，一步一個腳印，正邁向更強更高更好的前方，要英國多關注香港，英國今國勢大不如前，脫歐未啟動已百廢待舉，你這一喊不是爬上塔頂吹口琴——唱高調嗎？
過氣政客如肥彭之流，喜歡說大道理拽大詞，可就是亂吹卻落不到地上，要是走下三路，盡扯淡一些雞毛蒜皮之事，一不留神，除了露底就成了笑話。大國只講實力，不會跟過氣政客扯甚麼道德、境界，要講嘢，滾去美國，或許還有點回響。