財政司司長曾俊華正在訪問北京，蘇錦樑（Greg蘇）尋日中午以署理財爺身份於一個午餐會演講，點知佢晝夜不分又甩轆收場，前後三次把「今日」讀錯為「今晚」，其中首次甩轆完全唔為意，後兩次知道講錯後有「補鑊」立即更正。其實Greg蘇早前曾外訪秘魯，雖則當地同香港有約十三小時時差，但佢由秘魯外訪返港超過一星期，莫非至今仲未完全適應時差，因而出現日光日白仍然晝夜不分嘅情況？
