政情：劉黃寧達嘆樓市「加錯辣」

Leta又話最近到淺水灣朋友家中作客，見到該區有幾座高檔住宅到咗夜晚仍然係漆黑一片，開燈嘅單位只佔一、兩成。細問之下，原來好多單位業主係投資基金。

佢話政府應該攞出政策對付呢類投資者，而唔係一味加印花稅，加重稅只係數字遊戲，可能令樓價水漲船高，徒增真正有買樓需求市民嘅成本。

籲參考新加坡房策

喺新加坡長大嘅Leta又話，新加坡有好多房屋政策做得好好，包括組屋政策同免息按揭計劃等，值得香港去認真研究同參考。