政情：公民講場：宣誓「吐魚蛋」 劉小麗食苦果

喺農曆新年期間發生嘅旺角暴亂中，當時仲未做立法會議員嘅劉小麗就喺facebook呼籲民眾去旺角夜市同惠顧小販買魚蛋。之後佢又因為要推動墟市，做無牌小販賣魚蛋，最終被控罰款一千八百元，差啲連理大專上學院嘅講師教席都冇埋。但係佢似乎對魚蛋情有獨鍾，喺立法會首次開大會宣誓時就玩嘢，將誓詞九十幾粒字好似吐魚蛋咁逐粒逐粒字讀出嚟，又加料話要「落實墟市政策」。有團體尋日去立法會請願，要求主席唔好畀「吐出」九十幾粒魚蛋嘅劉小麗喺今日宣誓，睇怕佢唔食晒啲魚蛋，都唔使旨意安安穩穩咁完成宣誓嘞！