政情：公民講場：「做好生涯規劃防自殺」 吳得掂亂噏辣火頭

人稱「吳得掂」嘅教育局局長吳克儉又再辣火頭，佢日前喺公開活動上提及生涯規劃教育，懶醒話防止學生自殺委員會報告其中一點，指出學生壓力其中一個成因就係未有做好生涯規劃。佢又話，點解啲大學生讀書讀得咁好，咁辛苦考入大學，最後都自殺呢，就係因為所揀嗰科未必係自己嘅興趣同強項，所以喺對自己、屋企人及朋友嘅期望下，形成三重壓力，一有唔舒服時就頂唔順喇。吳得掂嘅言論隨即惹起不滿，批評政府喺學生處理壓力方面支援不足，要佢收回言論，睇嚟佢都係匿埋睇吓日本雜誌好過喇！