政情：公民講場：非建制派起弶 請「君」食檸檬

立法會工業界（第一）議員梁君彥（Andrew）日前喺非建制派杯葛下，以三十八票當選新一屆立法會主席。Andrew當選後就伸出橄欖枝，約見非建制派議員，但就畀人請食檸檬，最後得非建制派平台召集人兼民主黨黨團召集人涂謹申（阿涂）同佢見面。阿涂會面後話，非建制派好多人都拒絕同Andrew會面，部分人更加根本唔認Andrew做立法會主席，佢自己都係因為係非建制派召集人，先喺反對聲中鼓起勇氣見吓Andrew喎，真係辛苦晒喇。非建制派一開波就起晒弶，唔知Andrew未來四年點捱呢？