立法會開鑼立立亂之際，人稱「搞事四人幫」嘅「民主阿婆」前政務司司長陳方安生同「李漢奸」民主黨創黨主席李柱銘則遠赴澳洲展開「唱衰香港」之旅，出席多場活動同訪問。兩人日前就去到當地全國新聞俱樂部同悉尼大學出席公開論壇，兩人竟然要求澳洲政府關注香港情況及發聲，而民主阿婆之後又喺電台節目指英國政府有責任監察香港情況，同履行《中英聯合聲明》承諾，完全係乞求外國勢力干預中國及香港內部事務。
民主阿婆話，明白世界各國都想同中國有貿易關係，但同中國做生意都要守護自己核心價值，而澳洲政府就要監察中國嘅情況，確保中國維持香港一國兩制，咁樣先可以確保中國遵守國際義務，符合各國利益。佢又話，英國唔可以用「閂埋門嘅事」去睇香港同中國嘅問題，認為香港有外國投資者、又有外國公民，英國政府應該密切留意香港情況。被問到係咪「麻煩製造者」，民主阿婆就改口話自己係中國人，批評都係想中國變好喎，真係乜都佢講晒。
至於李漢奸就話，今屆立法會議員嘅宣誓風波，睇到年輕人爭取民主嘅策略同上一輩唔同，認為中國只要兌現一國兩制承諾，年輕人就唔會要求獨立。佢又希望澳洲政府同其他各國政府，喺公開場合同私下都要表達關注。其實英國每半年一份嘅香港報告書已經話香港目前運作良好，真係唔明點解民主阿婆同李漢奸要不斷唱衰香港，仲乞求外國干預，難怪被指為係「麻煩製造者」喇！
卓妮