中環出更：李永達 AV仁 李卓人 漢奸黎寓所密斟攪局
向來同泛民主派關係千絲萬縷嘅壹傳媒黎智英（漢奸黎）離港兩日後，尋日下午三點終於返回何文田寓所，估唔到佢櫈都未坐暖，就「急召」民主黨（白鴿黨）老鴿「AV仁」何俊仁、「高達」李永達同工黨李卓人到其寓所「面聖」。李卓人喺早前立法會選舉中慘敗，莫非漢奸黎同一眾有份攪局嘅老鴿為李卓人安排一場豐盛嘅安慰夜宴？抑或係趁立法會開鑼，又密謀攪局呢？
尋日傍晚約六點半鐘，AV仁、高達同李卓人由漢奸黎嘅司機接送到其何文田寓所，三人在車上言談甚歡，李卓人嘅心情亦似乎已經由敗選中平復過來。三人喺漢奸黎寓所密會超過三小時，直至晚上九時半先至一齊坐七人車離開。
力谷新丁 老將返魂乏術
其中李卓人同高達都已經飲到面紅紅同醉醺醺，而且笑容滿面添！兩人咁開心，究竟係因為餐飯好好食吖？定係漢奸黎有好嘢益佢哋呢？
話時話，呢餐係漢奸黎請嘅安慰夜宴都唔出奇，事關如果唔係漢奸黎選舉前力谷白鴿黨新丁，都唔會令咁多老將落敗，雖則漢奸黎投票當日都有利用旗下媒體幫李卓人大力宣傳，但都為時已晚，返魂乏術，無法阻止李卓人慘敗，要執包袱離開立法會。
不過，話唔定佢哋已經傾好未來攪局大計，睇嚟漢奸黎寓所以後會多個常客參與密會都未定。
卓妮