政情：有相為證：徒弟送公仔橄欖變阿扁

民建聯前立法會議員陳鑑林（橄欖）正式退下火線，佢徒弟觀塘區議員顏汶羽日前就送咗一對佢同橄欖嘅立體公仔畀橄欖作為告別禮物。不過，個立體公仔似乎就唔多像真，公仔個樣似台灣前總統陳水扁多過橄欖，而顏汶羽公仔亦都比實際瘦好多。顏汶羽又喺社交網站度話同橄欖一齊做過好多政策，例如單軌列車同香港龍獅節咁喎。話時話，橄欖之前畀審計署揭發籌辦龍獅節帳目不清，顏汶羽已經送個唔似樣嘅公仔，仲要重提龍獅節舊事，真係唔知攞景定贈興喇！