政情：公民講場：削津貼唔諮詢吳克儉忙卸膊

教育局喺今個學年起停止向中小學發放中英文科閱讀津貼，中學校長會主席李雪英尋日指教育局喺八月以學校已能靈活推行唔同形式嘅校本閱讀計劃，及學校推廣閱讀的模式已轉變為理由，喺一份津貼指引中宣布取消津貼，並無透過通函或信件通知學校，批評決定未經廣泛諮詢，妨礙培養學童閱讀習慣，要求當局恢復津貼，而曾自稱「月看三十本書」嘅教育局局長吳克儉尋日出席活動後，被問到停發津貼一事時，竟以「趕時間」為由，冇回應提問就走人，事後先由局方再作回應。做得出竟然唔敢回應，咁閃縮，吳克儉認真唔得掂呀！