獨立監察警方處理投訴委員會（監警會）早前因為前秘書長朱敏健提早離任而出現小風波，秘書長一職懸空一段時間後，終於由海關前副關長俞官興接任，任期三年。接過火棒嘅俞官興就話自己處事好實際，而且「黑白分明」，要讚就會讚，要鬧就會鬧，又話紀律部隊背景唔會影響自己嘅中立性。不過，自前年佔領行動爆發後，社會撕裂，黃絲和藍絲勢成水火，紀律部隊執法都變得政治化，預料投訴有增無減，俞官興係咪真係可以保持中立，黑白分明唔偏幫黃藍是但一邊，咁就真係要拭目以待喇！
