政情：港府累斯諾登去唔成中美洲

過早公布 護照失效滯俄

根據外媒日前報道，二○一三年六月尾斯諾登原本打算由香港坐飛機，經俄羅斯轉飛中美洲。正當斯諾登架飛機一離開中國空域，港府就隨即宣布斯諾登已經離開香港。事件就觸動美國政府神經，隨即註銷斯諾登本美國護照。所以當時斯諾登喺俄羅斯落機後，因護照問題而無法轉機前往中美洲，被迫滯留俄羅斯機場。

經過超過一個月滯留後，俄羅斯政府向斯諾登批出臨時政治難民身份，為期一年，令佢可以順利入俄境。一年後，俄方政府亦批出為期三年嘅居留權畀斯諾登，相信斯諾登至今仍然身處俄羅斯。如果當日港府無咁快宣佈斯諾登離境嘅消息，可能斯諾登已經去咗中美洲都未定。不過，作為港府立場，當然想有咁快得咁快解決事件啦！