中環出更：友誼第一 選舉第二 李國麟蔡沛華感情深
今屆立法會選舉中，衞生服務界出現「兄弟相爭」情況，事關原來成功連任嘅李國麟（Joseph）同對手蔡沛華都係護士學校同學，Joseph仲稱呼蔡沛華做大哥添！不過，兩人在選前已經口徑一致，話選舉還選舉，大家依然係老友，難怪兩人早前在論壇後都「攬頭攬頸」，相信真係做到「友誼第一，比賽第二」喇。
難忘昔日同窗片段
話說兩人喺一九八○年時一齊讀護士學校，由於蔡沛華係成班同學入面年紀最大，所以大家都會叫佢做「大哥」。當年兩人嘅同窗回憶，除咗讀書，仲會一齊食消夜，但之後兩人就去咗唔同醫院工作，Joseph就再進修，成為教授。
雖然兩人喺唔同地方工作，但Joseph就話，佢哋成班同學二十幾人當年畢業後幾年仲會一齊去旅行聯誼，而且每年都會食餐飯敍舊。蔡沛華話，大家喺七月先至一齊食過飯，但Joseph就話當時唔知蔡沛華會成為佢對手喎。
卓妮