探射燈：活化政策限制多商戶氣餒
「揀活化工廈，都係因為佢嘅防火措施做得較好，同埋冇咁多限制，但實際入到去做，先知唔係嗰回事！」攝影師Encore租用觀塘區一幢已進行活化工程的工廈單位，經營攝影工作室，但遇到不少問題。他指出，活化工廈准許租戶將單位用作工業以外的用途，但管理公司定了不少規矩，如貨品不能標示價格、不能在走廊張貼或展示任何宣傳品等，令部分租戶感氣餒，「都唔知點做生意，交咁多租好似白交咁！」
而設計師Kelly與Encore合夥租用同一單位用作皮革設計工作室，兩人租用原址前，曾經合夥租用同區另一幢活化工廈時，卻有不愉快經歷，「個業主只係翻新咗大廈入面，冇翻新到個門口同電梯，搞到啲客上嚟時好唔方便，加上嗰度位置較偏僻，人流不符預期，惟有退租。」
批實施多年仍「半桶水」
Kelly認為，政府實施活化工廈政策多年，但至今仍然是「半桶水」，成效不彰，卻令工廈單位在活化後，租金大幅漲價約三成，令正在苦苦支撐的年輕創業者，經營成本百上加斤。