政情：新思維「禍不單行」甫敗選冧橫額

鄭承隆自嘲「腳頭唔好」

話說副主席鄭承隆喺記招前同記者閒談，言談間「鼻塞塞」，佢主動解釋話自己唔係因傷心哭泣影響，而係傷風。佢又笑言自己「腳頭唔好」，有主持節目嘅電台要停播，加入新思維又令狄志遠落選，話口未完，其身後嘅橫額就喺牆上突然跌落嚟，要工作人員重新掛上。

擾攘一番後記招先開始，狄志遠話新思維成立九個月以嚟，經歷兩次立會選舉，選舉結果反映議會兩極化，擔心有議員會留難政府，令行政立法關係惡化，社會撕裂更嚴重，但認為對立嚴重會迫使更多沉默大多數走出來，堅持中間路線可發展。

鄭承隆就譴責網民發放假消息指狄會退選，對其選情有好大影響，又指以狄之名聲有萬多票不足為奇，事實亦證明新思維非建制派，冇配票，係好事。