政情：公民講場：寧建釣魚區 唔起公廁 康文署選擇性呻窮

正所謂人有三急，但係今屆冇神經政府又點會急市民所急呢？好似青衣區多年來公廁不足為人詬病，葵青區議會幾次去信康文署要求增建廁所，但係署方回覆話無錢拒絕跟進，搞到市民人有三急都要死忍。殊不知年初施政報告高調提到要喺香港興建三個釣魚區，其中一個正正位於青衣海濱，呢個時候康文署竟然「富起來」，拎得出三百五十萬元建造費。有錢興建釣魚區都唔起公廁，難怪工聯會葵青區議員梁子穎都忍唔住批評當局為咗迎合施政報告，不顧民生所急，結果獻媚不成，被區議會一致表態反對計劃，真係咎由自取。