香港社區組織協會尋日舉辦論壇及考察活動，講述香港露宿者苦況，點知有露宿者就趁機炮轟政府冇人性，唔單止缺乏政策支援，食物環境衞生署更經常以行政手段驅趕佢哋，又將佢哋嘅家當財物當做垃圾丟棄，認真慘情，佢哋要求政府制訂全面嘅露宿者政策。其實政府一味驅趕根本解決不了露宿者問題，被趕嘅露宿者惟有搬遷到其他地方，事實上露宿者唔會消失，搞搞吓官逼民反，逼到全部露宿者搬去食環署總部門口露宿就大鑊喇！
