政情：資源少 107動力出書靠眾籌
團體「107動力」（動力）一向關注公帑運用，身兼召集人嘅西貢區議員何民傑（Raymond）曾經透露，動力因經費有限而只能聘用一名全職員工，原來佢哋最近更打算搞眾籌，莫非真係有沉重經濟壓力？Raymond解釋，佢見最近有一個集資平台登陸香港，於是靈機一觸諗出用眾籌方式，希望能夠成為動力嘅另類宣傳，亦能夠給予公眾一個機會參與其中，而第一個嘅眾籌項目就係出書喇！
內容評減稅反辣招
Raymond話，新書內容與動力反對樓市辣招立場及減少稅項、善用公帑等主張有關，所以內容已經準備就緒。不過，佢哋仲要搵出版商印製，所以打算用眾籌方式籌集經費，以應付呢筆印刷費。據了解，動力打算出版一千本書，預計三至五萬元就可以付諸實行，而參與眾籌者亦將會獲贈新書。近期有不少政黨、政團都開始用眾籌去籌集資金，Raymond今次都算係新嘗試，唔知新書可以幾時面世呢？