政情:蒙德揚入職安局 主打地盤安全

政府前日宣布委任職業安全健康局(職安局)成員,信興集團主席蒙德揚(David)、資深工業家蔣震嘅五女蔣麗苓都首次加入。職安局旨在促進香港工作環境嘅安全同健康,唔知David點解會入職安局?David解釋話,佢哋集團旗下有出售冷氣機業務,唔少發展商會採購旗下冷氣機,所以工程人員經常要出入地盤去安裝,有時仲要維修,故此佢都好關注地盤安全,仲話畀一小時佢講呢個話題都講唔晒添!

David又話,近年後生仔唔願意做呢類服務性行業,如果喺地盤工作又唔安全,就更加搵唔到後生仔入行。佢希望加入職安局之後,可以令問題有所改善,亦解決工人不足嘅困境。除咗David及蔣麗苓,今次獲委任嘅新成員仲有關寶珍、蕭倩文及袁妙齡,任期由星期一起為期兩年。

第一手消息請下載on.cc東網iPhone/iPad/Android/Windows Phone Apps