中環出更：接力示威 聲討漢奸黎「亂港」
聲討壹傳媒黎智英（漢奸黎）嘅行動一浪接一浪，尋日早上再有兩批合共約三十五名人士，先後帶同橫額及紙牌到漢奸黎位於何文田嘅寓所外示威，又高叫「黑金亂港」、「黎狗無恥」等口號，宣洩對漢奸黎嘅不滿。
展示「黎狗無恥」橫額
尋日上午約十一時十五分，逾十名年輕市民自發抵達漢奸黎寓所外範圍，展示寫有「賣港求利 黎狗無恥」嘅橫額，以及寫有「黑金亂港」嘅紙牌抗議，又高叫口號。約二十分鐘後，另一批為數約二十五名人士亦去到漢奸黎寓所外，同樣帶同橫額和紙牌抗議，其中紙牌寫上「天譴漢奸黎」及「千古罪人黎智英」。
近期針對漢奸黎嘅抗議行動不絕，包括尋日行動在內，自六月十日起計，到其寓所及將軍澳壹傳媒大樓外抗議嘅次數最少達四十三次，當中有自稱霸王國際集團嘅員工及苦主佔十次、正義聯盟佔三次，其餘包括旅遊業界及其他人士嘅就有三十次。
卓妮