紅磡海底隧道塞車問題一直困擾市民，原本期望政府成功回購東區海底隧道之後，會實施「紅加東減」，即係加紅隧收費，減東隧收費，以達到分流效果。點知，運輸及房屋局局長張炳良竟然話，要交畀顧問研究，暫時無咩可以做。理工大學土木及環境工程系副教授熊永達就炮轟張炳良無誠意，仲話「一鳥在手，勝過百鳥在林」，要求政府先試行「紅加東減」方案，之後先作出檢討。不過，張炳良試都唔肯試，寧願要市民忍受塞車之苦，唔怪得政府被批評冇靈魂、無知無覺喇！
