政情：吳若蘭：英不會收回港
繼美國駐香港及澳門總領事夏千福離任前在facebook搞直播，回應網民提問，即將離任嘅英國駐香港及澳門總領事吳若蘭亦有樣學樣，尋日下午同網民直播對話十幾分鐘。有唔少網民問吳若蘭，香港係英國前殖民地，英國會不會收回香港，但吳若蘭就表明不會，強調香港是中國一部分，而回歸後一國兩制亦運作得非常好（incredibly well）。
有網民就批評，英國政府無履行《中英聯合聲明》，無做任何事幫香港，吳若蘭就表示唔同意，表明英國一直堅持聲明所有承諾，每隔半年就會向英國國會匯報香港最新情況，確保聲明得以落實。
言談透露接任人為男性
吳若蘭又話，好鍾意自己嘅中文名，佢透露喺廿幾年前一位中國朋友幫佢改嘅，又喺直播示範自己識講廣東話，話「唉呀，我唔識講廣東話呀，好難講廣東話呀！」她直言好鍾意食薑汁撞奶及蝦腸，又鍾意去志蓮淨苑及金馬倫山。最後，吳若蘭透露自己會返英國，並從事與歐盟外交工作，至於接任人，她只透露係男人（him）。