政情：今日你上鏡：方舜文食中式糖水養顏

香港貿易發展局總裁方舜文（Margaret）早前出席國際現代化中醫藥及健康產品會議，講起中藥除咗醫病外，其實好多時都會用喺固本培元及養生。對此Margaret就話，其實佢對中藥認識唔多，所以無咩用中藥養生，但食中式糖水養顏就食得多喇！佢話好多中式糖水簡簡單單已經可以好清潤，好似平日在家就會食雪耳糖水，有時媽媽仲會專程燉雪梨畀佢，有阿媽靚糖水甜到入心，難怪工作咁忙都依然保持滑溜皮膚啦！