職場健康:食無定時 腸胃易病

阿明好奇問:「咦,有盒食過嘅飯,係邊個o架?」

阿峰答:「係我o架,頭先食緊飯嘅時候有好多客呀,經理叫我幫吓手先,所以剩番半盒喺度囉。趁依家冇人,快啲食埋嗰半盒先。」

阿明說:「原來係咁,不過你咁樣嘅飲食習慣對腸胃唔係幾好,你咪話成日覺得個胃脹住脹住嘅,可能係胃病嘅先兆。」

阿峰點頭道:「係呀,有時上腹仲會陣陣痛。不過冇事嘅,間唔中一次半次啫。」

阿明說:「唔係啦,過幾日公司安排身體檢查,不如一齊去啦。」

阿峰勉強地答:「好啦……」

經過醫生問診及檢查後,醫生說:「睇完你嘅病徵,你好大可能已經患上腸胃病。你有否感到工作壓力、作息唔定時和飲食習慣不佳?」阿峰點了點頭。

醫生補充︰「其實這樣對腸胃造成好大負荷,易患上腸胃病,但由於病徵反覆,時好時壞,好容易被人忽略,再慢慢演變成較嚴重病徵。大部分腸胃病初期病徵有胃脹、食欲不振、噯氣及惡心等,到嚴重時,會有上腹間歇性痛楚,大便呈黑色,甚至有胃出血或吐血等情況出現。」

阿峰問:「咁嚴重?有咩預防方法?」

醫生答:「預防方法有好多,主要針對工作壓力、作息唔定時、飲食習慣不佳呢三個問題對症下藥。首先要養成良好飲食同休息習慣,例如飲食定時,食飯不宜太快,亦要有充足休息;然後就係適當紓緩工作壓力,放假去運動都係一個唔錯辦法。」

阿峰:「醫生,我明白啦。」

職業安全健康局

www.oshc.org.hk

第一手消息請下載on.cc東網iPhone/iPad/Android/Windows Phone Apps