「被大浪沖走，只要搵個浮波或者防鯊網捉緊咪得囉。」有衝浪人士指颱風衝浪時若被浪捲出海，只要游入水底，抱頭及蜷縮身體，避免身體重要部位被擊中受傷，便能成功自保。不過，海豐游泳會總教練林先生指有關做法荒謬，無事實根據，最佳做法是遠離岸邊。
「因為被大浪捲走，根本無可能捉到浮波或防鯊網，而且，海底有很多不明因素，如暗藏尖石或暗湧，非常危險。即使係救生員，喺呢個環境下，都唔會貿然落水。」他補充，市民就算不下水，只在岸邊觀浪，同樣危機四伏，「海浪冚埋嚟，只係短短幾秒間嘅事，畀個浪捲咗去，就算係游泳高手都無用。」
而在一四年五月，一名三十二歲的印傭，趁假日與六名同鄉到石澳遊玩，她與兩名友人走到近海的岩石上拍照留念，突然高約一公尺的巨浪湧至，事主被浪捲走，約十分鐘後被救起送院，終告不治。