多年來穩佔最多市民投訴部門頭三甲嘅食物環境衞生署又添「政績」，平時把關不力都算，今次過分到未等化驗結果，就放行四十隻哮喘豬流入市面，擺到明怠忽職守；到公布涉事肉檔名單時又無吸取前年台灣劣質油嘅經驗，信晒供應商但無向商戶求證，連累部分肉檔無辜上榜，生意大受影響，該署孭鑊都要搵人陪葬。專家話，誤食哮喘豬會頭暈兼手震。香港市民呢幾年已經被無靈魂政府嘅無能施政搞到頭暈暈、嚇到手震震，莫非食環署署長劉利群上任兩年幾都未上手？係咪要市民病多幾錢重先滿意？
