政情：今日你上鏡：林添茂受辱 行善志更堅

由港澳台灣慈善基金會創會主席林添茂創辦嘅「愛心獎」，中、港、台嘅提名期已結束，暫定十二月頒獎。呢個獎項嘅特色係表揚做緊善事嘅人，候選人亦需提交獎金用途嘅計劃，今年每一位得獎者獎金增至九萬美元（近七十萬港元），加上宣傳及各項開支超過千萬元。不過，林添茂就感慨話，記得第一屆獎金係五萬港元，當時佢以私人支票當獎金，無意間聽到一位得獎者質疑張支票會否兌現，令佢覺得好受辱，但呢番話亦成為佢立心做好獎項嘅動力！