政情:公民講場:買樓勿妄動 波叔老生常談

本港樓價已較去年九月高峰期回落,相信好多市民都諗緊上車或入貨。手握推地大權嘅發展局局長陳茂波(波叔)尋日又主動開聲,話樓市仍然處於拉鋸狀態,叫市民不宜輕舉妄動入市喎。波叔又重提未來三、四年嘅一手樓單位潛在供應量將逾九萬個,所以提醒市民要冷靜,入市之前諗一諗,因為好容易會受心理因素左右。其實買樓需求持續增長,所謂供應量未必能夠達標,即使達標亦很難滿足需求,政府點樣保證將來樓價會回落呢?到時市民買唔到樓兼浪費青春,係咪要上門搵波叔找數呢?

第一手消息請下載on.cc東網iPhone/iPad/Android/Windows Phone Apps