政情：三個仔同校 鄭泳舜輕鬆送返學
一講起照顧小朋友，相信一眾家長都會覺得好「頭痕」，尤其係接送子女放學或參加興趣班落堂。不過，有「多仔公」之稱嘅深水埗區議員鄭泳舜（Vincent）嚟緊九月將會輕鬆晒，事關佢嘅細仔九月升讀小一，最重要係派埋去同兩個哥哥讀同一間學校。一向有湊開仔返學嘅Vincent都話，以後可以一次過送晒三個仔返學。
冀與囝囝同遊新西蘭
Vincent以前喺新西蘭讀書，依家間唔中都會同囝囝講番以前讀書時嘅故事，囝囝仲會好奇當年爸爸一個人喺新西蘭嘅生活。有見及此，Vincent都希望帶囝囝去新西蘭，一來去探吓當地朋友，二來希望重遊舊地。適逢暑假，Vincent就話今年比較忙，冇得帶囝囝去旅行，但希望可以喺聖誕節假期補番數，或者考慮去新西蘭都未定，事關囝囝之前去過台中，對農場好有興趣，新西蘭大自然環境最適合不過喇。