今屆立法會會期前日落幕，原意係改革醫務委員會以加快處理病人投訴嘅《二○一六年醫生註冊（修訂）條例草案》，最終畀拉布拉倒。食物及衞生局局長高永文尋日出席電台節目時話，喺審議條例草案嘅過程中，最唔開心嘅就係出現誇張失實嘅訊息，令前線醫護人員產生擔憂，但係醫學界人士又冇出嚟澄清。佢又對部分泛民議員基於對政府唔信任，就將重要嘅民生議題推翻感到意外。高永文咁講就太傻太天真喇！係人都知政客靠得住，豬乸都上樹，佢唔係依家先至明白呢個道理嘛？
