全港工廈違契嘅情況何其多，但政府一直懶懶閒唔做嘢，發展局局長陳茂波尋日先至話要嚴打工廈違契。忽然雷厲風行，當然唔係良心發現，而係為勢所逼，係人都知因為牛頭角迷你倉大火造成兩名年輕消防員殉職，令各界鬧爆政府無知無覺無神經，當局才急急腳亡羊補牢。今次信誓旦旦話要巡查打擊，又話必要時可充公單位，證明政府真係非不能也，實不為也！到底最終會唔會雷聲大、雨點小，真係要放長雙眼睇吓嘞！
