政情：麥潤培唔做區議員做人師

預算三年後順利交棒

麥潤培話，做咗兩屆區議員已經超出自己預期，一旦搵到人接班，就會讓個位出嚟，畀其他人試吓。佢依家已經培養咗兩個徒弟幫手處理地區事務，小至處理街坊糾紛，大至發起私家車遊行，兩個徒弟仔都搞得頭頭是道，所以佢估計三年後可以順利交棒。

跟住佢就會轉行做老師或者補習天王喇！點解要做老師？麥潤培話可以滿足佢個人嘅表演欲同埋服務年輕人嘅志向喎！

佢唔係得個講字，除咗報讀浸大通識學位之外，佢仲計劃修讀香港教育大學碩士學位添！至於點解唔邊做區議員邊做老師呢？佢就話覺得個人要進步，同有新發展咁話。