水貨伯爆粗漢巴士「口水戰」
【專案組報道】手機應用程式WhatsApp近日熱傳一條短片，片中一名疑似水貨客的伯伯與一中年男乘客就運貨問題口角，水貨阿伯不滿被爆粗，多次向男乘客口頭警告：「你再講粗口我就打你！」爆粗男未有收斂，繼續狂鬧粗口，正當劍拔弩張之際，勇武阿伯卻未有動手，只繼續口頭警告：「講多句粗口，你睇我打唔打你。」最後經巴士女車長勸阻才平息。
女車長：一人少句唔好嘈啦
有關短片未有顯示於何時拍攝，片中一開始，男乘客與一伯伯鬧交，「巴士唔係貨車。」並不停向伯伯爆粗，伯伯怒火中燒，捲起半邊上衣擺起戰鬥格準備激戰，爆粗男未有畏懼：「打我啦！笨×，我一拳打×死你呀。」伯伯則指他再爆粗就會郁手，「你再講吖，睇我打唔打你，你再講多句粗口吖？」爆粗男字字鏗鏘：「我，×，你，吹呀？」伯伯大叫：「你係咪要打交先？」而巴士女車長則極力勸阻，「一人少句，唔好嘈啦。」再將兩人分開，並平息爆粗男怒火，「我錯，唔應該畀佢上車。」網民指不少人都是「得把口」，敢說不敢郁手，亦有網民讚女車長EQ高。