立法會大鑼大鼓嘅調查再次避開港府高官嘅責任問題！繼議員個人利益監察委員會放生涉及捐款醜聞嘅多名泛民主派議員及漏報持有海外公司嘅建制派議員後，調查廣深港高鐵香港段延誤專責委員會嘅報告結果，只係點名批評港鐵兩名前高層蓄意隱瞞工程延誤，但就放生運輸及房屋局現任局長張炳良，及前任局長鄭汝樺，兩個都甩身冇被點名批評，鄭汝樺更全程拒絕出席專委會研訊。上述種種足以印證立法會嘅調查已變成無牙老虎，公信力每況愈下，唔知嘅仲以為立法會提供放生服務添！
