相信大家得閒都會同親友打吓衞生麻雀，日本人亦一樣鍾意打牌。當年除咗怕遇上牌品差嘅人，亦怕遇到靚女，因為畀佢電兩眼搞到神不守舍而打錯牌，想唔出銃都幾難啦！而寫真界美人上野艾莉加身材一流，姣味十足，仲有女雀聖之稱！
上年日本寫真界有一個女優引退消息令小弟感到十分驚訝、萬分傷感，仲有萬分妒忌，佢就係I奶小美人鷹羽澪喇！阿妹佢出道都未夠3年，其豐滿迷人嘅青春肉體，脹卜卜兼呈水滴形嘅純天然爆乳，令寫真迷神魂顛倒。可惜，畀拳擊手羅王丸兩三下手勢就將澪妹成功抱得美人歸，上年年尾封胸退出寫真界，下嫁羅王丸做少奶奶。幸好，我都唔傷心得好耐，因為寫真界除咗佢呢類青春美人，仲有好多年屆三十，韻味濃郁，騷到入骨嘅輕熟美人，例如今日為大家介紹嘅上野艾莉加。
艾莉加今年30歲，不過大家應該都知道日本女仔駐顏有術，就算40、50歲亦一樣保養得皮光肉滑，明艷照人。而艾莉加除咗有齊上述優點之外，拍寫真時仲顯得風情萬種，姣味由內散發到外，加上雪白嬌嫩嘅婀娜胴體，令佢喺寫真界發光發熱。
艾莉加初出道嘅時候，以婚紗模特兒身份登場，及後被睇中拍寫真，正式加入寫真界。不過，艾莉加好少推出寫真集同DVD作品，主要工作係替時裝及內衣雜誌做模特兒，2013年參加選美比賽「MISS WALLOP 2013」獲得特別獎，名氣更上一層樓。醒目嘅艾莉加遂加強力度搵銀，開辦攝影會吸金，憑住美貌同身材，加上姣爆演出，當然係大收旺場啦！艾莉加受歡迎嘅地方，仲有佢嘅無私精神，經常喺Twitter同大家分享美容心得，以及做模特兒嘅經歷，幫助女仔提升化妝扮靚技巧。不過，唔好睇艾莉加拍寫真時舉止優雅，其實佢係一位雀壇高手，更加參加過唔少寫真偶像麻雀擂台賽，仲鍾意一邊飲酒一邊打牌，佢雖然打醉章，但係又畀佢成日贏，故被封為女雀聖。如果可以同阿妹同枱打番鋪麻雀，我一定鬆章畀佢啫！
簡介：上野艾莉加會喺自己嘅Twitter當中，同大家分享美容扮靚心得，男士們不妨同女友一齊睇，等女友扮靚啲，男士自然都開心啲。
網址：https://twitter.com/kaeriueno
年齡：30歲
身高：5呎4吋
三圍：35E-24-35
撰文：賢