教育局局長吳克儉（吳得掂）上任四年以來辣着唔少火頭，做乜衰乜，包括硬推德育及國民教育科、全港性系統評估（TSA）爭議、暴雨信號停課安排等，統統都進退失據。點知近日又辣多個火頭，就係有關建議「普教中」作長遠教育目標。有立法會議員質疑「普教中」無明顯優勢，係政治任務而非教育需要，認為「粵教中」並唔輸蝕；立法會教育事務委員會尋日仲通過無約束力的動議，要求取消以「普教中」作長遠教育目標，如果吳得掂堅持硬推，真係玩火自焚。
